Bu gün 44 günlük müharibədə əsir düşmüş erməni hərbçilərinin valideynləri Ermənistan hökumətinin binasının qarşısında etiraz aksiyası keçiriblər. "Baki-Baku.az" xəbər verir ki, hökumətdən aksiya iştirakçılarına onların övladlarının tezliklə geri qaytarılacağına və bu istiqamətdə danışıqların aparıldığına dair sözlər deyilib.
Məsələnin maraqlı tərəfi budur ki, ölkənin baş naziri vəzifəsini icra edən Nikol Paşinyan əvvəllər bildirirdi ki, hərbçilər əsirdirlər və geri qaytarılacaqlar. Hazırda isə erməni ictimaiyyəti Bakıda keçirilən məhkəmə proseslərini görür. Validenylər də bundan çıxış edərək övladlarının məhkəmə qərarı ilə həbsə atılmalarının son hədd olduğunu vurğulayırlar və bildirirlər ki, hazırda söhbət əsir deyil, cinayətkardan gedir. "İki ay əvvəl cinayət işi açırdılar. İndi məhkəmə qərarları var. İndi onları terrorizmdə günahlandırırlar. Biz terrorçumu yetişdirmişdik?", - deyə hərbçi valideynləri hiddətlərini ifadə edirlər.
Hərçi valideynlərindən birinin fikri: "Bizim uşaqlar Vətəni müdafiə etmək üçün getdilər. Ancaq Vətən öz vətəndaşının hüquqlarını qorumur. Heç kəsə bu uşaqların həyatı maraqlı deyil. Deyirlər ki, gələcəyimiz var. Hansı gələcək? Bakı türməsi? Bu mənim oğlumun gələcəyidir?".
