Artıq məlumdur ki, yaxın vaxtlarda Ermənistan hakimiyyəti və Rusiya arasında Rusiya sülhməramlılarının Heqarkunik rayonunun Sotk-Hoznavar ərazisində yerləşdiriləcəyinə, bundan sonra hərbi birləşmələrin geri çəkiləcəyinə dair razılaşma əldə olunacaq. Danışıqların aparılacağı ilə bağlı faktı Ermənistanın baş qərargah rəisi Artur Davtyan da təsdiqləyib. "Baki-Baku.az" xəbər verir ki, bu barədə Ermənistanın "Hraparaq" nəşri məlumat yayıb.
"Hraparaq" mövzunu genişləndirərək Davtyanın "Azərbaycan buna razılığını verib?" sualına cavanını önə çəkib. Baş qərargah rəisi bildirib ki, Ermənistan tərəfinin Azərbaycandan soruşacağı nə isə yoxdur. Ancaq danışıqlar gedir. Çünki məsələlər var: "Məqsədimiz Azərbaycan hərbçilərini hər hansı toqquşmasız çıxarmaqdır. Biz öz ərazimizlə bağlı tədbirlər görməliyik. Lazım gələndə Rusiya ilə əməkdaşlıq edirik".
"Hraparaq" nəşri Davtyanın bu açıqlamasına şərh verərək bildirib ki, Ermənistanın suveren ərzilərinin sərhədlərinin başqa dövlətə etibar ediləcəyi aydın görünür. Məlumdur ki, geri çəkilən erməni qoşunları olacaq. Nəşr eyni zamanda belə qənaətə gəlir ki, hazırda baş nazir vəzifəsini icra edən Nikol Paşinyan payızda, daha doğrusu sentyabrda razılaşma sənədinə imza atacaq ki, bu da Azərbaycanın ərazi bütövlüyünün tanınması olacaq.
