Ermənistan ombudsmanı seçkiqabağı təbliğat barədə: "...kim təhqir edirsə, aşağılayırsa o da güclüdür"

Ermənistanda seçkiqabağı təbliğatda siyasi dairələr, ayrı-ayrı xadimlər, həmçinin vəzifəli şəxslər bir-birilərinə məzmunlu suallar ünvanlamaq yerinə, təhqir, böhtan və zorakılıq elementləri ilə müşahidə olunan ittihamlar irəli sürürlər. "Baki-Baku.az" xəbər verir ki, bunu Ermənistan Ombudsmanı Arman Tatoyan özünün facebook səhifəsinə yazıb. 

"Məlum olur ki, artıq cəmiyyət də buna öyrəşib. Bir tərəf təhqir edəndə, ittiham yağdıranda cəmiyyət səbirsizliklə gözləyir ki, qarşı tərəf necə reaksiya verəcək. Belə təəssürat yaranır ki, kim gəlişi gözəl ifadələrlə çox ittiham, təhqir edirsə, aşağılayırsa o da güclüdür. Sonra siyasi dairələrin tərəfdarları da bir-birilərini eyni kəlmələrlə alçaldırlar. Ancaq seçkiqabağı təbliğat təhqirlərin, açıq söyüşlərin nümayiş meydanı deyil", - deyə Tatoyan vurğulayıb.