- Daxili siyasət
- 09:59 25.04.2024
Fransa prezidenti Emanuel Makron iyunun 14-də Brüsseldə keçiriləcək NATO sammiti öncəsi Türkiyə Prezidenti Rəcəb Tayyib Ərdoğanla Qarabağdakı, Suriyadakı və Liviyadakı vəziyyəti müzakirə edəcək. "Baki-Baku.az" xəbər verir ki, bu barədə məlumatı TASS yayıb. Məlumatda bildirilir ki, Fransanın dövlət başçısı məsələyə dair fikirlərini Parisdə keçirdiyi mətbuat konfransında dilə gətirib.
"NATO sammiti öncəsi mənim Türkiyə prezidenti ilə görüşüm olacaq. Bu, bəzi məsələlərlə bağlı fikir mübadiləsi aparmaq üçün yaxşı imkandır", - deyən Makron əlavə edib ki, R.Ərdoğanla dərin fikir ayrılıqları var və bunu hər ikisi bilir. Ancaq Fransanın dövlət başçısı dialoqun aparılmasının vacibliyini də vurğulayıb: "Mən istəyirəm ki, Suriya, Liviya və Dağlıq Qarabağdakı, Azərbaycan və Ermənistan arasındakı vəziyyəti müzakirə edim".
E.Makron həmçinin Ərdoğanla NATO-dakı əməkdaşlıq və müttəfiqlərlə münasibətlərdə davranış məsələlərini müzakirə etmək niyyətində olduğunu dilə gətirib.