- Dünya
- 10:44 29.03.2024
ABŞ prezidenti Co Bayden bu gün Türkiyə prezidenti Rəcəb Tayyib Ərdoğanla telefon danışığı apara bilər. "Baki-Baku.az" xəbər verir ki, bu barədə məlumatı Türkiyənin ANKA agentliyi yayıb.
Agentliyin məlumatına görə, hazırda diplomatlar telefon danışığının baş tutması üçün hazırlıq işləri həyata keçirməkdədirlər. Eyni zamanda o da bildirilir ki, Bayden hələlik bununla bağlı müsbət cavab verməyib.
Diqqət çəkən cəhət odur ki, ehtimal edilən telefon danışığı Baydenin qondarma "erməni soyqırımı" iddiasını qəbul etməsindən bir gün əvvəl baş tutacaq. Diqqət çəkən daha bir cəhət ABŞ prezidentinin dövlət başçısı kimi fəaliyyətə başlamasından sonra heç vaxt Türkiyə lideri ilə telefon danışığı aparmaması, ümumiyyətlə tərəflər arasında heç bir təmasın olmamasıdır.