- Daxili siyasət
- 09:59 25.04.2024
“Yunanıstanla bütün problemləri müzakirə etməyə hazırıq”.
APA-nın xəbərinə görə, bunu Türkiyənin xarici işlər naziri Mövlud Çavuşoğlu NTV telekanalına müsahibəsində deyib.
O bildirib ki, Türkiyə və Yunanıstan arasında dialoqun aparılması üçün üçüncü tərəfə ehtiyac yoxdur.
M. Çavuşoğlu bu gün Yunanıstan XİN başçısı Nikos Dendiasın Ankaraya səfər edəcəyini xatırladıb.
"ABŞ bu günə qədər Kipr məsələsi, eyni zamanda, Türkiyə-Yunanıstan münasibətləri ilə bağlı balanslı siyasət yürüdüb", - deyən Türkiyənin xarici işlər naziri Mövlud Çavuşoğlu bu yaxınlarda ABŞ Dövlət katibi Entoni Blinkenlə telefon danışığının baş tutduğunu xatırladıb. O vurğulayıb ki, amerikalı həmkarından adıçəkilən məsələlərdə ABŞ-ın balanslı siyasətini davam etdirməyi xahiş edib.
M. Çavuşoğlu Türkiyə-Misir münasibətlərinə də toxunub. O qeyd edib ki, Misir ərəb dünyası, islam dünyası, habelə Afrika və Fələstin üçün əhəmiyyətli bir ölkədir.