Rusiya və Ermənistan müdafiə nazirlərinin telefon danışığı olub

Rusiyanın müdafiə naziri ordu generalı Sergey Şoyqu və Ermənistanın müdafiə naziri Vaqarşaq Arutyunyan arasında telefon danışığı olub.

APA-nın Moskva müxbirinin Rusiya Müdafiə Nazirliyinin (MN) mətbuat xidmətinə istinadən verdiyi məlumata görə, nazirlər Dağlıq Qarabağdakı nizamlanma ilə bağlı vəziyyəti, eləcə də qarşılıqlı maraq doğuran digər məsələləri müzakirə ediblər.