- Daxili siyasət
- 09:59 25.04.2024
Ermənistanın baş naziri Nikol Paşinyanın istefa verəcəyi dəqiq tarix hələlik məlum deyil. "Baki-Baku.az" erməni mediasına istinadən xəbər verir ki, bu barədə məlumatı Paşinyanın "Mənim addımım" blokunun parlament fraksiyasının rəhbəri Lilit Makunç deyib.
L.Makunçun sözlərinə görə, ehtimal edilir ki, Paşinyan aprelin sonunda istefa verəcək. "Bu mənim ehtimalımdır, başqa heç nə. Ona əsaslanıram ki, seçkilərin iyunun 20-də keçirilməsi nəzərdə tutulur", - deyə Makunç aydınlıq gətirib.
Fraksiya rəhbəri həmçinin deyib ki, hazırkı mərhələdə baş nazirin istefası ilə bağlı hər hansı məsələ müzakirə olunmur. Makunç 24 aprel "erməni soyqırımı"nın ildönümü günündə Paşinyanın baş nazir kimi qalıb-qalmayacağı ilə bağlı suala cavab verməkdə çətinlik çəkdiyini deyib.