Ermənistan prezidenti Armen Sarkisyan Rusiyanın RBK telekanalına müsahibəsində Ermənistan-Rusiya münasibətlərinin son illərdəki vəziyyətini qiymətləndirib. "Baki-Baku.az" xəbər verir ki, Sarkisyan hər iki ölkə arasındakı durumun pisləşməsinə dair fikirlə bağlı mövqeyini açıqlayarkən diplomatik davranıb. O deyib ki, belə bir baxış daha çox Moskvadan, daha doğrusu Rusiyadan gəlir.
"Rusiyada və Ermənistanda hanqı qüvvələrin hakimiyyətə yiyələnmələrindən asılı olmayaraq, münasibətlərdə sabitlik var", - deyən Sarkisyan onu da bildirib ki, ermənilərin mütləq əksəriyyəti, o cümlədən xaricdəki erməni diasporunun təmsilçiləri Rusiyanın Ermənistanın başlıca partnyoru olması ilə razıdırlar. Ancaq: "Ən vacib olan məncə, iki faktor var. Birincisi inam. İkincisi öncədən proqnozlaşdırıla bilmə. Bizim münasibətlərimiz o qədər aydın və o qədər dərin olmalıdır ki, bir-birimizə yüz faiz inanmalıyıq. Və tam proqnozlaşdırıla bilən olmalıdır. Belə əlaqələrdə, bu cür dünyada proqnozlaşdırıla bilinməmə çox təhlükəlidir".
