Belarus prezidenti Aleksandr Lukaşenko ölkə rəhbərliyinin konstitusiyaya dəyişiklik edilməsi barədə qərara gəldiklərini bildirib.
"Unudanlar üçün xatırlatıram ki, Lukaşenkonu konstitusiyanı yenidən yazmağa vadar edən Rusiya və Rusiya rəhbərliyi deyil. Bunu çoxdan bəri edirik. Bunu ona görə edirik ki, Lukaşenko əbədi deyil və biz bilmirik ki, kim gələcək. B, birinci səbəbdir. Qərar aldıq ki, konstitusiyaya müraciət edək". "Baki-Baku.az" xəbər verir ki, Belarus lideri vurğulayıb.
Qeyd edək ki, Lukaşenko Belarusun yeni konstitusiyası layihəsinin 2022-ci ilin əvvəlində referenduma çıxarılacağını və əsas qanun layihəsinin 2021-ci ilin sonuna qədər hazırlanacağını daha əvvəl söyləmişdi. O, martın 16-da dəyişikliklərin hazırlanması ilə məşğul olacaq tərkibi 36 nəfərdən ibarət konstitusiya komissiyasının yaradılması haqqında fərman da imzalayıb. Sözügedən komissiya təkliflərini avqustun 1-dək dövlət başçısına təqdim etməlidir.
Onu da deyək ki, Lukaşenko bu ilin fevralında keçirilmiş 6-cı Ümumrusiya Xalq Məclisindəki çıxışı zamanı ölkənin mövcud idarəetmə formasının qalmalı olduğunu, ancaq əsas qanunun dəyişdirilməsinə ehtiyacın duyulduğunu bildirmişdi. O, söjbət əsnasında ölkədə səlahiyyətlərin yenidən bölüşdürülməsi ilə bağlı planının mövculuğunu da vurğulamışdı.
