Zaxarova: “Britaniya imperiya ambisiyalarından əl çəkməyib”

“London imperiya ambisiyalarından əl çəkməyib”.

APA-nın “RİA Novosti”yə istinadən verdiyi xəbərə görə, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova “Vesti FM” radiosuna deyib. 

O bildirib ki, bu gün keçiriləcək mətbuat brifinqində Rusiya XİN bu məsələyə rəsmi münasibət bildirəcək: “Ümumiyyətlə Britaniya ilə bağlı hər şey üzücüdür. İmperiya ambisiyaları problemi aradan qalxmayıb. Ambisiya var, lakin bunun üçün baza yoxdur. Bu baza çürüyüb. Təəssüf ki, onlar gördükləri bir əməli yaxşı bir iş kimi təqdim etməyə çalışır, aparıcı, böyük və güclü ölkə reputasiyasını qaytarmaq üçün bu cür yeni addımlar atırlar”.