Ermənistan prezidenti Bakıda olmayıb. "Baki-Baku.az" "Sputnik Armeniya"ya istinadən xəbər verir ki, bu barədə məlumatı Ermənistanın Prezident Administrasiyasının mətbuat xidməti yayıb.
Qeyd edək ki, "İravunk" qəzeti Ermənistanın Makedoniyadakı keçmiş fəxri konsulu Araik Sarkisyanın Ermənistan prezidentindən noyabrın 17-də Bakıda olub-olmaması barədə soruşulmasının vacibliyinə dair fikirlərini yaymışdı.
"Bəzi kütləvi informasiya vasitələrində məlumatlar dolaşır ki, Armen Sarkisyan noyabrın 17-də guya Bakıda olub. Bu, açıq yalan və dezinformasiyadır. Prezident nə həmin gün, nə də heç vaxt Bakıda olmayıb", - Ermənistan PA-nın mətbuat xidməti vurğulayıb.
Mətbuat xidməti həmçinin prezident Sarkisyanın həmin gün Kanadanın Ermənistana təyin edilmiş yeni səfirini qəbul etdiyini açıqlayıb və belə dezinformayaları yaymamaqla bağlı çağırış edib.
