- Daxili siyasət
- 13:27 21.09.2024
"Bu günlərdə ölkədaxili siyasi hadisələrin episentrində Silahlı Qüvvələrin Baş Qərargahının rəisi Onik Qasparyanın və digər yüksək rütbəli zabitlərin baş nazir Nikol Paşinyanı istefaya çağırması dayanır". "Baki-Baku.az" xəbər verir ki, bu barədə yazan Ermənistanın "Past" qəzeti bildirir ki, Paşinyan ayrı-ayrı görüşlərdə, o cümlədən hərbi dairələrlə təmaslarında martın 9-u, yaxud 10-da istefa verəcək və bundan sonra ölkədə növbədənkənar parlament seçkiləri keçiriləcəkdir.
"Past" yazır ki, bu gün, yəni martın 9-da Onik Qasparyanın işdən çıxarılması ilə bağlı qərar qüvvəyə minəndə, yəni baş nazir ordu tərəfindən hər hansı təhlükənin olmadığını düşünəndə istefaya gedəcək, mayda isə növbədənkənar parlament seçisi olacaq.
Bununla belə qəzet iddia edir ki, generalitet, siyasi dairələr və ekspertlər Paşinyana inanmırlar. Digər tərəfdən, bildirilir ki, indiki hakimiyyətlə seçki keçirilsə də, bütün adminstrativ resurlar onun əlində qalacaq, nəticələr saxtalaşdırılacaqdır.