- Daxili siyasət
- 13:27 21.09.2024
“Nə edirlər etsinlər, millətimizin birliyini, qardaşlığını və bərabərliyini poza bilməyəcəklər”.
APA-nın xəbərinə görə, bunu Türkiyə Prezidenti Rəcəb Tayyib Ərdoğan Ədalət və İnkişaf Partiyasının (AKP) parlamentdəki qrup iclasında çıxışı zamanı deyib.
“Nə edirlər etsinlər, istiqlal sevgimizi söndürə bilməyəcəklər. Nə edirlər etsinlər, canımızdan dəyərli olan vətənimizi parçalaya bilməyəcəklər. Nə edirlər etsinlər, dövlətimizi yıxa bilməyəcəklər”, - deyə Türkiyə Prezidenti qeyd edib.
“Regionumuzda min illik varlığımızın bizə miras qoyduğu qardaşlığı, dostluq və insani vəzifələri yerinə yetirmək üçün heç kimdən icazə alası deyilik”, - deyən Türkiyə Prezidenti əlavə edib ki, Balkanlardan Türküstana, Qafqazdan Afrikaya qədər ürəyimizdəki hər bir qardaşımızın yaxşı və pis günündə yanında olmağa davam edəcəyik.