- Dünya
- 10:44 29.03.2024
1988-ci ilin Sumqayıt hadisələri sovet hakimiyyəti tərəfindən hazırlanmışdı, Azərbaycan tərəfdən yox. "Baki-Baku.az" "haqqın.az"a istinadən xəbər verir ki, bunu "Milli müqəddarat" Birliyinin lideri, siyasətçi və yazıçı Paruyr Ayrikyan "Vestnik Kafkaza"ya müsahibəsində deyib.
P.Ayrikyan 2013-cü ildə Ermənistanda keçirilmiş prezident seçkilərində namizəd olub, seçkidən öncə ona qarşı sui-qəsd tərədilib. Ayrikyan bildirib ki, sui-qəsd keçmiş "KQB" tərəfindən təşkil edilmişdi və bunu həyata keçirənlərlə Sumqayıt hadisələrini törədənlər eyni şəxslərdir. O, buna qədər də SSRİ-ni Sumqayıt qırğınında ittiham etmişdi. Nəticədə ölkədən çıxarılmış və Efiopiyaya göndərilmişdi.
"Onlar Sumqayıtda qırğın törətdilər və buna görə Azərbaycan xalqını günahlandırdılar. Əlbəttə, deyə bilməzdilər ki, bu hadisələri "KQB" qüvvələri törədib. Heç olmasa, kriminal elementləri günahlandıra bilərdilər. Amma yox, əksinə, onlar bu qırğını Azərbaycan xalqının, eyni zamanda Azərbaycan hakimiyyətinin əməli kimi qələmə verdilər. Halbuki 1988-ci ildə Azərbaycan müstəqil dövlət kimi yox idi. O zaman sovet sistemi var idi ki, fəaliyyəti "KQB"nin nəzarətindəydi. Bütün bunların SSRİ hakimiyyəti tərəfindən törədildiyini göstərən odur ki, hadisədən sonra erməni millətindən olan şəxslər Ermənistana yola salındılar. Oxşar hadisələri onlar Ermənistanda da planlaşdırdılar", - deyə Ayrikyan vurğulayıb.