- Daxili siyasət
- 13:27 21.09.2024
Ermənistan vətəndaşlarının 43,6 faizi hesab edir ki, ölkənin baş naziri Nikol Paşinyan istefa verməlidir. "Baki-Baku.az" xəbər verir ki, bunu bu gün Yerevanda keçirilmiş mətbuat konfransında tanınmış Gallup ("Gallup International association") sorğu mərkəzinin Ermənistandakı nümayəndəliyinin direktoru Aram Navasardyan təşkilatın apardığı rəy sorğusuna əsaslanaraq bildirib.
Qeyd edək ki, sözügedən sorğu 15-17 fevral 2021-ci il tarixlərində aparılıb və bütövlükdə Ermənistan ərazisi üzrə 801 nəfərin telefon vasitəsilə rəyi öyrənilib.
Rəyi soruşulanların 38,8 faizi bu qənaətdədir ki, Paşinyan əvvəlki qaydada hakimiyyətdə qalmalı və fəaliyyətini davam etdirməlidir. 17,6 faiz isə sorğunun yeganə sualı olan "Nikol Paşinyan nə etməlidir?" sualına cavab verməkdə çətinlik çəkib.
Onu da bildiririk ki, 2020-ci ilin iyulunda keçirilmiş analoji sorğuda Paşinyanı dəstəkləyənlərin faizi 85 olmuşdu. Dekabrda isə bu rəqəm 38 idi.