Liviya və Misirə qar yağıb

Liviyanın şərqi və Misirin bəzi rayonlarına güclü qar yağı.

"Baki-Baku.az" "RİA Novosti"yə istinadən xəbər verir ki, Liviyanın Milli Meteoroloji Mərkəzi ölkənin Cabal Əhdar regionundan bununla bağlı video görüntü paylaşıb. Həmin görüntüdə hər yer qarla örtülüb. Bundan başqa güclü qar yaxınlıqdakı Əl-Bayd şəhərinə də yağıb. Mərkəz havanın temperaturunun gecə sıfır dərəcəyə düşdüyünü elan edib. 

Misirdə isə qar Liviyaya sərhəd olan Sidi-Barrani şəhərinə yağıb. Burada küləyin sürəti bəzən saatda 75-80 kilometrə çatıb. Bəzi yerlərdə havanın hərarəti mənfi iki dərəcədək enib.