- Daxili siyasət
- 13:27 21.09.2024
Ermənistanda müxalifət liderlərinin görüşü keçirilib. "Baki-Baku.az" xəbər verir ki, bu barədə məlumatı "Armlur" yayıb.
Məlumatda bildirilir ki, görüşdə ölkənin keçmiş prezidentləri Robert Koçaryan, Serj Sarkisyan, "Çiçəklənən Ermənistan" Partiyasının sədri Qagik Çarukyan, "Vətən" Partiyasının sədri, Ermənistanın Milli Təhlükəsizlik Xidmətinin keçmiş rəisi Artur Vanesyan, Daşnaqsütun Partiyasının təmsilçisi İşxan Saqatelyan və "Vətənin xilası naminə" hərəkatının keçid dövrü üçün baş nazirliyə namizədi Vazgen Manukyan iştirak ediblər.
Məlumatda bildirilir ki, görüşdə fevralın 20-də Yerevanda keçiriləcək mitinqin təşkili ilə bağlı məsələlər müzakirə edilib: "İş burasındadır ki, həmin gün liderlər çoxlu sayda adamı mitinqə toplamaq istəyirlər. Ona görə də ciddi hazırlıq aparırlar. İlk növbədə isə onların özlərinin mitinqdə olmalarına dair qərar qəbul edilib".
Məlumatda o da bildirilir ki, Ermənistanın üçüncü prezidenti Serj Sarkisyanın rəhbərlik etdiyi Respublikaçılar Partiyasının təmsilçilərinin mitinqdəm iştirak edəcəyi dəqiqləşdirilib. "Amma onlardan kimsə çıxış etməyək, çünki hələ də cəmiyyətdə bu partiyaya qarşı neqativ münasibət qalmaqdadır", - deyə məlumatda bildirilib.