- Daxili siyasət
- 13:27 21.09.2024
Rusiyanın xarici işlər naziri Sergey Lavrovun Moskvanın Avropa Birliyi ilə əlaqələrə son qoymağa hazır olması kimi yayılmış fikirlərində yanlışlıq var. "Baki-Baku.az" "RİA Novosti"yə istinadən xəbər verir ki, bunu deməyə Rusiya prezidentinin mətbuat katibi Dmitri Peskovun açıqlaması əsas verir.
D.Peskov Lavrovun fikirlərinin təhrif edildiyini vurğulayıb. O deyib ki, Rusiya Avropa Birliyi ilə əlaqələrin pozulmasının təşəbbüskarı olmayacaqdır. Moskva Brüsellə əlaqələri inkişaf etdirmək istəyir.
"Yenə kütləvi informasiya vasitələri sensasiyalı başlıq tapıblar. Mənanı dəyişmək, bu, KİV-in böyük səhvidir. Məna isə ondan ibarətdir ki, biz bunu istəmirik. Biz istəyirik ki, Avropa Birliyi ilə əlaqələri inkişaf etdirək. Yox əgər Avropa Birliyi bu yolla getsə, bəli, onda biz buna hazırıq. Çünki ən pisinə hazır olmaq lazımdır", - deyən Peskovun sözlərinə görə, əsl mənanı elə təhrif ediblər ki, sanki Rusiya AB ilə əlaqələrin pozulmasına təşəbbüs göstərir.