- Daxili siyasət
- 13:27 21.09.2024
Ermənistanda sosial şəbəkədə təhqirə görə böyük miqdarda cərimələr tətbiq olunaca. "Baki-Baku.az" xəbər verir ki, Mülki Məcəlləyə bununla bağlı dəyişiklik edilməsini nəzərdə tutan qanun layihəsi ölkə parlamentində müzakirə edilib. Layihənin müəllifi hakim "Mənim addımım" fraksiyasının təmsilçisi, vitse-spiker Alen Simonyandır.
A.Simonyanın sözlərinə görə, sənəd biznes ictimaiyyətinin və ləyaqətli insanların, ayrı-ayrı şəxslərin bir sıra kütləvi informasiya vasitələrində və sosil şəbəkə profillərində təhqirdən və böhtandan qorunmasına kömək edəcək. Simonyan bu fikirdədir ki, dəyişiklik vətəndaşlara daha dəqiq informasiya əldə etmək imkanı verəcəkdir.
Qeyd edək ki, məsələ Ermənistan parlamentinin dünən və bu gün keçirilmiş sessiyalarında müzakirələrə səbəb olub. Sözügedən qanun layihəsi böyük həcmli cərimələrin tətbiqini nəzərdə tutur. Məsələ ilə bağlı ölkənin ədliyyə nazirinin müavini Vaqe Danielyan parlamentdə çıxı. edib. O bildirib ki, təhqirə görə cərimə 1 milyon dramdan 5 milyon drama (18000 manat), böhtana görə isə 2 milyon dramdan 10 milyon drama (36000 manat) qaldırılır.