Rusiyanın birinci prezidenti Boris Yeltsin Vladimir Putini böhrandan sonra özünün varisi seçdi. Ona "əldə edilmişləri saxlayan" adam lazım idi. "Baki-Baku.az" "Lenta.ru"ya istinadən xəbər verir ki, bunu Rusiyanın birinci prezidentinin köməkçisi olmuş politoloq Georgi Satarov "Vətəndaş maarifləndirməsi məktəbi" youtube kanalına müsahibəsində bildirib.
G.Satarov bildirib ki, Yeltsin 1996-cı ildə özünə seçkidə iştirak edəcək varis hazırlamamışdı və buna görə əzab çəkirdi. "1995-ci ilin əvvəlində Lyudmila Pixoya ona "Boris Nikolayeviç, siz prezident seçkilərində iştirak edəcəksiniz?" sualı ilə müraciət edəndə "əgər kommunistləri məğlub edəcək güclü namizəd olmasa, iştirak etməli olacam" cavabını vermişdi", - deyə Satarov vurğulayıb.
Satarov həmçinin bildirib ki, 1998-ci il defoltu Yeltsin üçün böyük şok oldu. Əgər buna qədər prezident düşünürdüsə ki, varis Nemçov kimi biri olmalıdır, böhrandan sonra qərara gəldi ki, varis əldə edilmişləri saxlayan adam olmalıdır. O, xidmət adamları içərisində baxış keçirdi, Putin də onların sırasında idi.
2020-ci ilin avqustunda Belarus prezidenti Aleksandr Lukaşenko bildirmişdi ki, Yeltsin Putini varis seçməkdə təəssüflənibmiş. Onun sözlərinə görə, Boris Nikalayeviç Putinin bütün məsələlərdə onun yanına qaçacağını, məsləhət alacağını düşünürmüş. "Ancaq bu, mümkün deyildi. Putin üçün qəbul edilməz idi", - deyə Lukaşenko vurğulamışdı.
Qeyd edək ki, B.Yeltsin 1991-ci ildən 1999-cu il dekabrın 31-dək Rusiyaya rəhbərlik edib. Məhz bu tarixdə o, istefa verdiyini və o zaman baş nazir olan Federeal Tədqiqatlar Bürosunun keçmiş direktoru Vladimir Putini prezident vəzifələrini icra edən təyin etmişdi.
