- Daxili siyasət
- 13:27 21.09.2024
"Bizim məlumatımıza görə, baş nazir Nikol Paşinyan Rusiyaya getməyi hazırlaşır. O, fevralın 10-u gedib 11-i qayıdacaq. Müəyyənləşdirə bilmədik ki, səfərinin məqsədi nədir, hansı görüşlər keçirəcək, hansı məsələləri müzakirə edəcək". "Baki-Baku.az" xəbər verir ki, bu barədə məlumatı Ermənistanın "Qraparaq" nəşri yayıb.
Qəzet iddia edir ki, baş nazirin mətbuat katibi Mane Gevorqyana da məsələ ilə bağlı sual ünvanlayıb. O, belə bir məlumatdan xəbərinin olmadığını bildirib. Gevorqyan həmçinin bildirib ki, məlumat olan kimi bildiriləcək.
Qəzet Ermənistanın ikinci prezidenti Robert Koçaryanın həftənin birinci günü Moskvadan qayıtdığını xatırladıb.
Nəşrin bildirdiyinə görə, Ermənistanın müxalifət liderləri Paşinyanın növbədənkənar parlament seçkilərinin keçirilməsindən imtinasını müzakirə etməyə hazırlaşırlar.