Roma Papası Cənubi Qafqazda baş verən prosesləri diqqətlə izlədiyini bildirdi

Roma Papası Fransisk Cənubi Qafqazda baş verən prosesləri diqqətlə izləyir. "Baki-Baku.az" xəbər verir ki, ali din xadimi bununla bağlı fikirlərini Vatikanda akkreditasiya olunmuş diplomatik korpusların təmsilçiləri ilə görüşündə dilə gətirib. 

Roma papası dünyanın müxtəlif bölgələrində baş vermiş münaqişəli durumlardan söz açarkən Cənubi Qafqazın üzərində dayanıb. "Xüsusi diqqətlə davam edən bəzi münaqişələrin olduğu Cənubi Qafqazdakı vəziyyəti izləyirəm. Həmin münaqişələrdən biri ötən il qızışdı. Bu, regiondakı sabitliyi pozur". 

Roma papası həmçinin 2021-ci ildə Suriyadakı konfliktin başa çatacağına, İsraillə Fələstin arasında dialoqun yaranacağına, Livanda və Liviyada sabitliyin bərqərar olacağına ümüd etdiyini bildirib.