117 yaşlı qadın koronavirusa qalib gəlib

Fransanın Tulon şəhərindəki qocalar evində yaşayan 117 yaşlı Lyusil Randon koronavirus xəstəliyinə qalib gəlməyi bacarıb. "Baki-Baku.az" xəbər verir ki, bu barədə məlumatı yerli "Var-Martin" nəşri yayıb. Məlumatda bildirilir ki, qadın xəstəliyi simptomsuz keçirib. 

Qeyd edək ki, 11 fevral 1904-cü ildə anadan olmuş L.Randon uzun müddət hostpitalda işləyib. Daha sonra Endryu bacı təxəllüsü ilə rahibə kimi fəaliyyət göstərib. Maraqlıdır ki, 2019-cu ildə onu ad günü münasibətilə Roma papası özü təbrik edib. 

Onu da bildiririk ki, hazırda dünyanın ən yaşlı insanının yaponiyalı Kane Tanaka olduğu rəsmən təsdiqlənib. O, Randondan cəmi bir yaş böyükdür.