- Daxili siyasət
- 13:27 21.09.2024
Vaksinasiyanın hazırkı tempinə əsasən demək olar ki, koronavirusla mübarizə hələ illər ərzində davam edəcək. "Baki-Baku.az" xəbər verir ki, bununla bağlı material nüfuzlu "Bloomberg"də yer alıb.
Agentliyin yazdığına görə, hazırda sutka ərzində 4,5 milyon peyvənd edilir. Nəzərə alınsa ki, peyvəndlər iki komponentlidir, əhalinin 75 faizinin vaksinasiyası üçün yeddi il tələb olunur. Təbii ki, əgər vaksiyasının tempi indiki kimi saxlanılsa.
Bununla yanaşı "Bloomberg" müxtəlif ölkələrdə vaksinasının müxtəlif sürətlərlə həyata keçirildiyinə də diqqət çıkib. Agentlik hesablayır ki, məsələn ABŞ-da bu iş 11 aya tamamlanacaq. Çində isə bunun üçün 5.5 il lazımdır. Ən yaxşı vaksinasiya tempi isə İsraildədir. Ölkədə hər 100 nəfərə 58 doza vaksin düşür. Bir sıra ölkələrdə isə vaksinasiya ümumiyyətlə başlamayıb.
Qeyd edək ki, Ümumdünya Səhiyyə Təşkilatının məlumatına əsasən dünyada 104 milyon insanda koronavirus aşkarlanıb. 2.2 milyondan çox adam xəstəlikdən həyatını itirib.