Məlum olduğu kimi, Ermənistanın baş naziri Nikol Paşinyanın həyat yoldaşı Anna Akopyan ABŞ-a gedib. "Baki-Baku.az" "Sputnik Armenia"nın teleqram kanalına istinadən xəbər verir ki, Akopyan Los-Ancelos hava limanında erməni diasporunun üzvləri tərəfindən xoşagəlməz şəkildə qarşılanıb.
ABŞ-dakı erməni diasporunun təmsilçisi Robert Marqaryan bildirib ki, Akopyan onu yaxasında etiraz lövhəsi ilə görəndə başını aşağı salıb qızararaq qaçdı. "Onlar bilməlidirlər ki, dünyanın harasına getsələr də onları belə qarşılayacaqlar", - deyən Marqaryan Los-Ancelosdakı erməıniləri aksiya keçirməyə çağırıb.
Bu arada "Daşnaqsütyun" Partiyası da Anna Akopyanın ABŞ-a səfərinə etiraz bəyanatı yayıb. Bəyanatda bildirilir ki, baş nazirin həyat yoldaşı hərbi əsirləri və itkin düşmüşləri geri qaytara bilməməyi təmsil edir.
Qeyd edək ki, Paşinyanın həyat yoldaşının ABŞ-a nə üçün getdiyi məlum deyil.
