- Daxili siyasət
- 13:27 21.09.2024
Ermənistanda ictimai rəy zəif templə olsa da, dəyişir. Millətin depresiyası yavaş-yavaş çəkilir, sağlam düşüncələr qələbə qazanmağa başlayır. Əlbəttə, bunda böyük rolu Nikol Paşinyanın "Mənim addımım" fraksiyasının demək olar, bütün deputatlarının qanmazlığı oynayır. "Baki-Baku.az" xəbər verir ki, bu fikirləri erməni əsilli tanınmış rusiyalı media maqnat Aram Qabrelyanov özünün teleqram səhifəsində paylaşıb.
Qabrelyanov bildirib ki, Ermənistanın siyasi səhnəsinə baxanda ağıllı siyasətçilərin çox az olduğunu söyləmək mümkündür. "Hətta deyərdim ki, dəhşətli dərəcədə azdır. Hiyləgər, əclaf, şişman, ikiüzlü - belələri kifayət qədər çoxdur. Ağıllı, qətiyyətli, vətənpərvər, fikirlərində inadkar, demək olar, yoxdur. Hətta heç yoxdur. Mənim xoşuma gələnlər, mənim gördüklərim Koçaryandır, Manukyandır, bir də Çarukyanın blokundan olan Tatoyandır, adını da bilmirəm. Ancaq bunlar", deyən Qabrelyanov yekunda adını bilmədiyi, ancaq şəxsən tanıdığı Tatoyan deyil (təzadlıdır), Ermənistanın ikinci prezidenti Robert Koçaryanın üzərində dayanır. Media maqnat hesab edir ki, ondan başqa kimsə ölkəni düşdüyü bəladan xilas edə bilməz.
Qabrelyanov həmçinin bildirib ki, xalq kütlələri Koçaryandan konkret fəaliyyət planı gözləyirlər. Dəqiq bilinməlidir ki, hara gedilir, hansı qüvvələrlə gedilir.
Erməni media maqnat həmişə açıq təhqirlərə məruz qoyduğu baş nazir Nikol Paşinyana dəstək verənlər barədə də fikirlərini açıqlayıb. O deyib ki, baş nazirin tərəfdarları liberal ermənilərdir. Onlar erməni dəyərlərinin məhvinə çalışırlar, kapitulyasiyanı, türklərlə dostluğu qəbul edilər və cinsi azlıqların müdafiəçiləridirlər. Qabrelyanovun fikrincə, Vətənin qoruyucuları və məğlubiyyətçilər arasında mübarizə gedir.
Qeyd edək ki, Aram Qabrelyanov Qarabağ müharibəsi dönəmində yalan materiallar paylaşan Semyon Peqovun WorGonzo layihəsinin maliyyəçisidir. Onun Kremlə yaxın olduğunu təsdiqləyən, hətta direktivləri birbaşa Kremldən aldığına dair çoxsaylı sübutlar var. Belə bir adamın Koçaryanın adını Ermənistanın gələcək rəhbəri kimi çəkməsi heç də təsadüf qarşılanmaya bilər. Bu o deməkdir ki, Moskvanın Ermənistanın ikinci prezidentinin hakimiyyət perspektivinə dair müəyyən baxışlarının olması mümkündür.