Ukraynanın xarici borcu - 53,72 milyard dollar

2021-ci il yanvarın 1-nə olan məlumata əsasən, Ukraynanın dövlət və dövlət zəmanəti ilə borcu 90,26 milyard dollar təşkil edir.

AZƏRTAC xəbər verir ki, bu barədə Ukrayna Maliyyə Nazirliyinin hesabatında bildirilib.

Məlumata görə, 2020-ci ildə dövlət borcu 7 faiz artaraq 5,89 milyard dollar təşkil edib.

Ukraynanın dövlət borcu 79,90 milyard dollar (ümumi borcun 88,53 faizi) dövlət zəmanəti ilə borcu isə 10,36 milyard dollar (11,47 faiz) təşkil edib.

Dövlətin xarici borcu 53,72 milyard dollar (ümumi borcun 59,52 faizi), daxili borc isə 36,54 milyard dollar (40,48 faiz) təşkil edib.