- Daxili siyasət
- 09:59 25.04.2024
Çin Kommunist Partiyasının sədri Si Çzinpin dünyanı "yeni soyuq müharibə"yə imkan verməməyə və problemlərin həllinə çoxtərəfli yanaşmağa çağırıb. "Baki-Baku.az" xəbər verir ki, bu barədə məlumatı Rusiyanın "Vzqlyad" nəşri yayıb.
Məlumatda bildirilir ki, Çin lideri sözügedən fikri onlayn rejimdə keçirilən Davos İqtisadi Forumundakı çıxışında səsləndirib. O deyib ki, kiçik qruplaşmaların yaranması dünyanı ziddiyyətlərə və parçalanmaya apara bilər.
Si Çzinpin çıxışında eyni zamanda beynəlxalq ictimaiyyəti açıq dünya iqtisadiyyatını, hərtərəfli ticarəti dəstəkləməyə, diskriminasiya və maneələri aradan qaldırmağa çağırıb.
Qeyd edək ki, dünyanın kütləvi informasiya vasitələri Çin liderinin çıxışında bir dəfə də olsun ABŞ-ın yeni prezidenti Co Baydenin adını çəkməməsinə diqqət yetiriblər. Məlum olduğu kimi, Birləşmiş Ştatlar bir neçə hərbi yük gəmisini Cənubi Çin dənizinə göndərib.