- Daxili siyasət
- 13:27 21.09.2024
Ermənistanın birinci prezidenti Levon Ter-Petrosyan Rusiyanın Ermənistandakı səfiri Sergey Kopırkinlə öz evində görüşüb. "Baki-Baku.az" xəbər verir ki, ölkədəki "Past" qəzeti bununla bağlı məlumatı Ter-Petrosyanın mətbuat katibi Arman Musinyanın yaydığını iddia edib. Qəzet özünün daxili mənbələrinə istinadən bildirir ki, Rusiya səfiri Ermənistandakı təmaslarını gücləndirir, birinci prezidentlə görüş yalnız başlanğıcdır.
"Söhbət səfirin silsilə görüşlərindən gedir. Ermənistanın ikinci və üçüncü prezidentləri, həmçinin müxtəlif siyasi qüvvələrin liderləri ilə də görüş olacaq", - deyən qəzet qeyri-rəsmi təmaslarda konkret nələrin müzakirə ediləcəyini bildirməkdə çətinlik çəkir. Yalnız ehtimal edir ki, görüşlərdə söhbət hərbi əsirlərdən, Ermənistandakı daxili siyasi vəziyyətdən və regional məsələlərdən düşəcək.