- Daxili siyasət
- 13:27 21.09.2024
ABŞ-ın yeni prezidenti Co Bayden özündən əvvəlki prezident Donald Trampın Ağ Evdəki kabinetdə ofisiantın ona şəkərsiz kola gətirməsi üçün nəzərdə tutduğu qırmızı düyməni ləğv edib. "Baki-Baku.az" xəbər verir ki, bu barədə məlumatı nüfuzlu "Assoşeyted press" Agentliyi yayıb. Məlumatda şəkərsiz kolanın Trampın ən sevimli içkisi olduğu vurğulanıb.
Qeyd edək ki, kütləvi informasiya vasitələri Trampın kola bağlılığı barədə yazıblar və oval kabinetdə məhz bu düymənin olduğunu da iddia ediblər. Eks-prezidentin özü də kola və qamburgerdən xoşunun gəldiyini, amma ümumən düzgün qidalandığını bildirib.
Məlumatda o da qeyd edilir ki, Bayden Tramp dövründə oval kabinetlə bağlı hələ Bill Klintonun dövründən qalma bir sıra dizayn formalarını da geri qaytarıb.