Türkiyə hakimiyyəti yerli kampaniyalara Twitter-də reklam verməyi qadağan edib

Türkiyə hakimiyyəti yerli kampaniyalara Twitter-də reklam verməyi qadağan edib. "Baki-Baku.az" xəbər verir ki, bu barədə məlumatı "Resmi Gazete" yayıb. 

Məlumatda bildirilir ki, Türkiyədə sosial şəbəkələrin tənzimlənməsinə dair qəbul edilmiş yeni qanuna görə, Twitter Türkiyədə özünün rəsmi nümayəndəsini təyin etməliydi. Lakin bu baş verməyib. 

Türkiyənin nəqliyyat və infrastruktur nazirinin müavini Ömər Fatih Sayan bildirib ki, facebook və instaqram yeni qanuna riayət edərək ölkədə nümayəndəliklərini açıblar. 

Qeyd edək ki, əgər Türkiyədə hansısa şirkət Twitter üzərindən reklam versə, böyük miqdarda cərimələnəcək.