Hazırda Moskva dünyada yeganə yerdir ki, Ermənistanın baş nazirinə təhlükəsizlik təminatı verə bilər. Bunu özünün teleqram kanalında tanınmış erməni media maqnat Aram Qabrelyanov yazıb.
"Prinsipcə, Paşinyan söhbət onun özünün təhlükəsizliyindən getdikdə vəhşi duyumunu işə salır. Əgər düzünü desəm, hazırda ona təhlükəsizlik təminatını yalnız Moskva və Putin verə bilər. Bütün dünya bilir ki, Putin söz verdisə edəndir. Heç də əhəmiyyətli deyil ki, Nikol dizi üstə ona yalvarıb, ayaqqabısını yalayıb ki, özünün satqın simasını qorusun. Rus insanlarında qəbul edilib ki, hətta əclafları bağışlamaq olar. Belə xoşniyyətli və əxlaqlı xalqdırlar. Mən bilirəm, nədən danışıram", - deyən Qabrelyanovun təhqiramiz formada (çılpaqlığı ilə diqqətə çatdırmaq olmur) işlətdiyi sözlərə görə, Moskva üçün əhəmiyyəti yoxdur ki, məhz Paşinyan Sorosun və amerikalıların qabağıda quyruq bulayıb, indi də bunu Əroğanın və Əliyevin qabağında edir. Putin həmin adam kömək üçün müraciət edibsə, çox güman ki, ailəsinin və uşaqlarının olduğunu deyib, nəzərə alır.
A.Qabrelyanov Paşinyana Moskvada yaşamaq üçün mənzil və nəqliyyat veriləcəyini deyib. Onun gizlənərək, həmişə qorxu içərisində yaşayacağını vurğulayıb. "Ancaq mənə aydın deyil ki, "Mənim addımım" (Paşinyanın partiyası) harada gizlənəcək. Bütün xalqı satmaq mümkündürsə, tərəfdarlarını niyə satmayasan ki?!".
"Baki-Baku.az"
