Tramp video müraciət yaydı: Senzura, söz azadlığına hədsiz hücumlar təhlükəlidir

"Mən son həftədə gördüyümüz zorakılığı pisləyirəm. Kütlənin zorakılığı mənim inandığım, bizim hərəkatımızın üzərində dayandığı hər şeyə ziddir". "Baki-Baku.az" "RİA Novosti"yə istinadən xəbər verir ki, bunu ABŞ prezidenti Donald Tramp özünün video müraciətində deyib. 

D.Tramp ölkənin maraqları naminə köklənmənin vacibliyini dilə gətirib və amerikalıları emosiyaları aşaraq birləşməyə çağırıb. 

Prezident həmçinin özünün sosial şəbəkələrdəki akkauntlarının bloklanmasına diqqət çəkərək söz azadlığına hədsiz hücumları da pislədiyini vurğulayıb. "Bu, gərgin və mürəkkəb vaxtdır. Vətəndaşlarımızı senzuraya məruz qoymaq, "qara siyahı"lara atmaq düzgün deyil və təhlükəlidir", - deyə o əlavə edib.