ABŞ-ın hazırkı prezidenti Donald Trampın Vaşinqton Kapitolidəki iğtişaşlara görə mühakimə olunacağı istisna edilmir.
APA xəbər verir ki, bunu Vaşinqtonun federal prokuroru vəzifəsini icra edən Mayk Şervin “CNBC” telekanalına müsahibəsində deyib.
“Bütün subyektlərin əməllərini araşdırırıq. Bu işdə iştirak etdiyi sübuta yetiriləcək hər kəs qanun məsuliyyətə cəlb olunacaq”, - deyə prokuror, siyasi rəqibləri tərəfindən iğtişaşlara təhrik etmədə ittiham olunan Trampın baş verənlərdə rolu ilə bağlı jurnalistin sualının cavabında bildirib.
Bu arada ABŞ-ın yeni seçilmiş prezidenti Cozef Bayden hazırkı ölkə lideri Donald Trampın Vaşinqtonda iğtişaşlara səbəb olduğu qənaətindədir.
“Onları etiraz aksiyasının iştirakçıları adlandırmağa cürət etməyin. Bu, iğtişaş, etiraz aksiyası deyildi, bu, xaos idi. Bu, üsyançı kütləsi, qiyamçılar, daxili terrorçulardan ibarət bir izdiham idi. Bu, prezident Trampın demokratiyaya amansız hücumunun nəticəsi idi”, - deyə Bayden vurğulayıb.
Onun sözlərinə görə, Donald Tramp “izdihamı Konqresə hücuma təhrik edib”: “O, amerikalı seçicilərin səsini yummaq üçün kütlədən istifadə etməyə çalışıb”.Demokrat bildirib ki, “prezident qanundan ali ola bilməz”.
