İsrail heç vaxt imkan verməyəcək ki, İranın nüvə silahı olsun. "Baki-Baku.az" "RİA Novosti"yə istinadən xəbər verir ki, bunu İsrailin baş naziri Benyamin Netanyahu bildirib.
Baş naziri onu da bildirib ki, İranın uranın zənginləşdirilməsinin artırılması ilə bağlı qərarı ölkənin hərbi nüvə proqramını genişləndirmək istəyinin nümayişidir.
Qeyd edək ki, İran hakimiyyətinin rəsmi nümayəndəsi Əli Rabii ölkəsinin uranın 20 faiz səviyyəsində zənginləşdirilməsi istiqamətində prosesə başladığını açıqlayıb.
Buna cavab olaraq baş nazir Netanyahu özünün tvitter səhifəsində yazıb: "İranın öz üzərinə götürdüyü öhdəlikləri pozaraq uranın zənginləşdirilməsi səviyyəsini artırmasını, bunun üçün sanaye gücünü artırmasını gələcəkdə hərbi nüvə proqramını inkişaf etdirmək niyyətindən başqa cür dəyərləndirmək mümkün deyil. İsrail imkan verməyəcək ki, İranın nüvə silahı olsun".
