Ölkə özünə gəlməyincə, seçki keçirmək olmaz.
"Baki-Baku.az" xəbər verir ki, bunu Ermənistanın "Vətənin xilası naminə" müxalifət hərəkatından baş nazirliyə vahid namizədliyi irəli sürülmüş Vazgen Manukyan deyib.
Manukyan ilk növbədə hazırkı baş nazir Nikol Paşinyanın getməli olduğunu deyib. "Bir il ərzində ordunun döyüş qabiliyyətini yüksəldəcək, intizam yaradacaq hakimiyyət formalaşdırmaq lazımdır. Sonra o hakimiyyət ya üçtərəfli formatda ya da Azərbaycanla sərhəd məsələsində danışığa getməlidir. İndi baş verənlər rüsvayçılıqdır", - deyən Manukyan Ermənistanın hər gün yeni ərazilər itirdiyinə əminliyini vurğulayıb.
Baş nazirliyə vahid namizəd bildirib ki, bütün bunlar dayanmayınca, yeni hakimiyyət qurulmayınca, seçkidən danışmaq mənasızdır. "Seçki mübarizə deməkdir. Yəni bütün partiyalar mübarizə aparmalıdırlar. Belə bir vəziyyətdə bu mümkündürmü? Biz özümüzə gəlməyincə, bunu etmək olmaz", - deyə Manukyan fikrinə aydınlıq gətirib.
