- Daxili siyasət
- 09:37 20.09.2024
2018-ci il inqilabında hakimiyyətdən məhrum olmuş "elita" revanşa can atır. "Baki-Baku.az" xəbər verir ki, bunu Ermənistanın baş naziri Nikol Paşinyan özünün facebook səhifəsində yazıb. Paşinyan aşağıdakıları bildirib:
1. 2018-ci il inqilabında hakimiyyətdən məhrum olmuş "elita" revanşa can atır. Burada söhbət yalnız siyasi "elita"dan da deyil, 2018-ci ilədək imtiyazlara malik, sonra həmin imtiyazlardan məhrum olanlardan gedir.
2. 2018-ci il inqilabından sonra özünü hakimiyyət kimi hiss edən xalq bu statusu itirmək istəmir. Xüsusən də hakimiyyətin xarici təhlükəsizlik problemlərini həll etmək istədiyi indiki dövrdə bəziləri belə bir məntiqə söykənirlər ki, əgər mitinqə gəlməsən, işdən azad olunacaqsan.
Paşinyan onu da bildirib ki, hazırda real qarşıdurma hakimiyyətlə müxalifət arasında yox, 2018-ci ildə imtiyazlarını və üstünlüklərini itirmiş "elita" və xalq arasındadır. Ancaq istənilən halda əsas söz sahibi xalqdır. Əgər xalq öz sözünü desə, "elita" heç nə edə bilməyəcək.
Ermənistanın baş naziri insanların öz sözlərini demək imkanlarını itirməmələri üçün hər şeyi edəcəyini bildirib. O, hazırda başlıca prioritetinin ölkənin və Qarabağın xarici təhlükəsizliyinin təminatı olduğunu vurğulayıb. "Heç bir halda xarici təhlükəsizlik tədbirləri sual altında qalmamalıdır", - deyə Paşinyan əlavə edib.