Prezident maska taxmadığı üçün cərimələndi

Çili prezidenti Sebastyan Pinera koronavirus pandemiyası ilə bağlı ölkədə tətbiq edilən karantin qaydalarını pozduğu üçün 2,5 miyon peso (3,5 min dollar) məbləğində cərimələnib. "Baki-Baku.az" "İnterfaks"a istinadən xəbər verir ki, bu barədə məlumatı Çilinin Valparaiso regionunun səhiyyə xidməti özünün tvitter səhifəsində paylaşıb. Səbəb prezidentin ictimai yerdə maska taxmamasıdır. 

Qeyd edək ki, Çilinin dövlət başçısının koronavirus rejiminin tələblərini pozması ilk dəfə deyil baş verir.  Onun çimərlikdə tanımadığı xanımla maskasız selfi çəkməsi də ölkədə böyük rezonans doğurmuşdu. 

Onu da deyək ki, Con Hopkins Universitetinin məlumatına görə, Çilidə 581135 nəfər koronavirusa yoluxub. Ölüm sayı isə 16051-dir.