Türkiyənin aparıcı siyasi partiyaları ABŞ-ın sanksiyasına etiraz bəyanatı qəbul etdilər

Türkiyə Böyük Millət Məclisinin Ədalət və İnkişaf Partiyası (AKP), Cümhuriyyət Xalq Partiyası (CHP), Milliyətçi Hərəkət Partiyası (MHP) və İYİ Partiyanın millət vəkilləri S-400 hava hücumundan müdafiə sistemlərinin alınmasına görə ABŞ tərəfindən Türkiyəyə qarşı birtərəfli şəkildə sanksiyaların tətbiqini pisləyən birgə bəyanat yayıb.

APA-nın “Sabah” qəzetinə istinadən verdiyi xəbərə görə, bəyanatda bildirilib ki, Türkiyə bu məsələdə geri addım atmayacaq.

“ABŞ administrasiyasının 14 dekabr 2020-ci il tarixində Türkiyəyə qarşı birtərəfli şəkildə sanksiyaların tətbiqini rədd edirik”, - deyə bəyanatda qeyd olunub.