ABŞ başda olmaqla Qərb dünyası "Çin Qorbaçovu" hazırlayacaq ki, Çini zəiflətsinlər. "Baki-Baku.az" "RİA Novosti"yə istinadən xəbər verir ki, bunu Rusiya Liberal Demokrat Partiyasının 32-ci qurultayındakı çıxışı zamanı partiyanın sədri Vladimir Jirinovski deyib.
"Amerika və Qərb dünyası nə edəcək? Çalışacaqlar ki, Çini zəiflətsinlər. Qoy Rusiya necə istəyir elə də yaşasın, biz Çinə zərbə vuraq. Bəs, hansı tədbiri görəcəklər? "Çin Qorbaçovu" hazırlayacaqlar", - deyən Jirinovski əlavə edib ki, planı xaricdə təhsil alan on milyonlarla çinli tələbədən istifadə etməklə reallaşdırmaq mümkündür.
RLDP sədrinin sözlərinə görə, "Çin Qorbaçovu"nun meydana çıxması ilə ölkədə Kommunist Partiyasının fəaliyyətinə qadağa qoyulacaq və çoxpartiyalı sistemə keçid yaranacaq. Jirinovski onu da bildirib ki, qərblilər Çini 10-15 yerə böləcəklər və anti Rusiya ovqatında yeni Çin ordusu formalaşdıracaqlar: "Sonra da deycəklər ki, çinlilər, Vladivostok və Sibirin yarısı sizin olub vaxtilə".
