Avropa ölkələri ancaq narahatlıqlarını bildirir, Belarus ətrafındakı vəziyyətlə bağlı heç nə edə bilmirlər. "Baki-Baku.az" TASS-a istinadən xəbər verir ki, bu fikri Belarus prezidentliyinə keçmiş namizəd Svetlana Tixanovskaya ABŞ-ın məhşur "The New Yorker" jurnalına müsahibəsində deyib.
"Mən sıravi şəxs olanda düşünürdüm ki, Avropa çox yaxındır və böyükdür. Onun liderləri isə o qədər güclüdürlər ki, nə isə edə bilərlər. Hesab edirdim ki, onlar əllərini-qollarını sallayıb oturmazlar. Ancaq indi görürəm ki, yalnız narahatlıqlarını, həmrəy olduqlarını bildirirlər, əslində isə heç nə etmirlər. Biz artıq neçə müddətdir ki, iqtisadi sanksiyaların tətbiqi ilə bağlı işləyirik. Bütün bunlar isə çox çətin və mürəkkəbdir", - deyən Tixanovskaya onu da bildirib ki, Avropa liderləri həmişə ehtiyatlı davranırlar və fikirlərini bildirərkən Rusiyaya baxırlar.
"Mən bizi həmişə xeyirxah olmağı tərbiyə edən ailədə böyümüşəm. Buna görə də bu, ola bilər mənim səhvimdir - başa düşməyə başlayıram ki, narahatlıqla bağlı adi sözlərə görə təşəkkür etməməliyəm. Biz konkret hərəkət tələb etməliyik. Mən çox gec öyrənirəm", - deyə sabiq prezidentliyə namizəd vurğulayıb.
