- Daxili siyasət
- 13:00 19.04.2024
Ermənistanın "Past" qəzeti öz mənbəsinə istinadən yazır ki, ölkənin baş naziri Nikol Paşinyan dünən gecə "Mənim addımım" fraksiyasının deputatları ilə parlamentin binasında gizli görüş keçirib. "Baki-Baku.az" xəbər verir ki, baş nazir öz komandasına etibar etdiyini və birlikdə çətin mərhələni keçəcəklərinə inandıqlarını deyib.
"Past"ın mənbəsi iddia edir ki, Paşinyan çox razı idi və bildirib ki, fraksiyadan çıxmaq istəyən başqa deputatlar varsa, bunu açıq şəkildə bildirsinlər.
Qəzet görüşdə müxtəlif variantların bərabərliyini təmin etmək baxımından növbədənkənar parlament seçkilərinin keçirilməsinin də müzakirə olunduğunu yazıb.
Paşinyan komandası vahid namizəd məsələsində razılığa gələcəyi təqdirdə istefa verməyə hazır olduğunu deyib. Eyni zamanda bildirib ki, kimisə namizəd kimi irəli sürmək niyyətində deyil.
"Past"ın məlumatına görə, hazırda hakim fraksiyada fraksiyadan çıxmaq və müxalifətin baş nazirliyə yeni namizədini dəstəkləmək istəyən 20-yə yaxın deputat var.