Meksika prezidenti: Koronavirusa görə karantin diktatura əlamətidir

Meksika prezidenti Manuel Lopes Obrador koronavirusa görə karantin tətbiq edilməsini diktatura kimi qələmə verib. "Baki-Baku.az" xəbər verir ki, o, nə üçün heç vaxt qoruyucu maska taxmaması ilə bağlı sualı cavablandırarkən belə deyib. 

Prezidentin sözlərinə görə, pandemiya ilə bağlı sərt tədbirlərin görülməsi bir sıra ölkə rəhbərlərinə özlərini sərt kimi qələmə vermək imkanı yaradır. "Onların çoxu özlərinin avtoritar instinktlərini nümayiş etdirirlər", - deyən dövlət başçısı əsas məsələnin insanların azadlığını təmin etmək olduğunu söyləyib. 

Lopes Obrador onu da deyib ki, insanların çoxu özlərinin həyatlarını təmin etmək üçün küçələrdədirlər. Buna maneçilik yaratmaq düzgün deyil.