- İqtisadiyyat
- 09:51 28.03.2024
Ukraynanın BMT-dəki daimi nümayəndəsi Sergey Kisliça sabiq SSRİ-ni nasist Almaniyası ilə gizli sövdələşmədə və minlərlə ukraynalıya qarşı qətldə günahlandırıb. "Baki-Baku.az" xəbər verir ki, o, bu fikri BMT-nin Baş Assambleyasının İkinci Dünya Müharibəsinin qurbanlarının xatirəsinə həsr olunmuş təntənəli iclasındakı çıxışında səsləndirib.
Daimi nümayəndə bildirib ki, sovet qoşunları Ukraynanı işğal edəndə də minlərlə ukraynalını qətlə yetiriblər, 1941-ci ildə faşistlərin qarşısından geri çəkiləndə də. SSRİ rəhbərliyi almanların yaxınlaşdığını bildiyindən Ukraynanın bütün şəhərlərinin vacib infrastrukturunu məhv etmək göstərişi verib. Bu isə insanları məhv etmək idi. 1944-cü ildə vəziyyət SSRİ-nin xeyrinə dəyişib və bu dəfə faşistlər ərazini tərk edəndə eyni vəhşiliyi törədiblər.
Sergey Kisliça çıxışında müharibə zamanı Ukraynanın SSRİ-nin tərkibində olduğu barədə bir cümlə belə işlətməyib.