- Daxili siyasət
- 13:00 19.04.2024
İran Parlamenti ölkənin uranın zənginləşdirilməsi ilə bağlı fəaliyyət layihəsini təsdiq edib. "Baki-Baku.az" xəbər verir ki, bununla bağlı məlumatı Fars Agentliyi yayıb.
Məlumatda bildirilir ki, nüvə fiziki Mohsen Fəxrizadənin qətlindən sonra "Sanksiyanın ləğvindən sonrakı strateji tədbirlər haqqında" adlı sənədin qəbulunu tezləşdirməyə ehtiyac yaranıb. Parlamentin iclasında bununla əlaqədar qanun layihəsini 290 deputatdan 251 dəstəkləyib.
Qeyd edək ki, sözügedən sənəddə hər il 120 kiloqram uranın çıxarılması, bunun yalnız 20 faizinin zənginləşdirilməsi nəzərdə tutulur (20 faizdən yuxarı silah sayılır). Eyni zamanda hər il 500 kiloqram aşağı zənginlikli uranın çıxarılması planlaşdırılır.
Onu da deyək ki, hazırda İran nüvə sazişində nəzərdə tutulan 3,67 fazilik həddən çox, təxminən 4 faiz uran zənginləşdirir.