- Daxili siyasət
- 13:00 19.04.2024
"Gəlin, təmiz tanışaq. Sizin övladlarınızın - hərbi əsirlərin geri qayıtması üçün Əliyevlə (Azərbaycan prezidenti İlham Əliyev nəzərdə tutulur) danışmaq lazımdır. Siz bunu necə təsəvvür edirsiniz? Belə bir adam (Ermənistanın baş naziri Nikol Paşinyan nəzərdə tutlur), bu cür vəziyyətdə Əliyevlə danışa bilərmi? Yaxud Əliyev onun sözünü ciddi qəbul edərmi? Sizin övladlarınızın geri qayıtması üçün danışıq aparacaq yeni adam lazımdır. O zaman bizdə onların geri qayıtmaları üçün şans yaranar". "Baki-Baku.az" xəbər verir ki, bu fikirləri Ermənistan parlamentinin "Çiçəklənən Ermənistan" Partiyasından olan deputatı Naira Zöhrabyan Qarabağ müharibəsində itkin düşmüş əsgərlərin valideynlərinin etirazlarına münasibət bildirərkən deyib.
N.Zöhranbyan dünən Nikol Paşinyanın növbəti dəfə əsgər valideynlərini şantaj etdiyini deyib. "O, açıqca deyir ki, məni hakimiyyətdə saxlayın ki, övladınızı qaytarım. Düşünmək olmaz ki, Ermənistanın indiki hakimiyyəti hərbi əsirləri geri qaytara bilər. Çünki Ermənistanda hakimiyyət ümumiyyətlə yoxdur. Yalnız baş nazir Nikol Paşinyan var. O da facebook-da oturub memuarlar yazmaqla məşğuldur" , - deyə deputat vurğulayıb.