- İqtisadiyyat
- 12:15 18.04.2024
Dağlıq Qarabağ münaqişəsi ilə Dnestryanı konflikt arasında ümumi heç nə yoxdur. "Baki-Baku.az" "RİA Novosti"yə istinadən xəbər verir ki, bunu Moldova prezidenti Maya Sandu bu gün dövlət başçısı seçildikdən sonra keçirdiyi ilk mətbuat konfransında deyib. O, əlavə edib ki, Dnestryanı münaqişəni ancaq sülh yolu ilə nizamlamaq mümkündür və ölkəsi "5+2" formatı üzrə nizamlama prosesinə sadiq qalacaq.
Qeyd edək ki, Sandunun qeyd etdiyi "5+2" formatında Kişinyov və Tiraspol münaqişə tərəfləridir. Rusiya, Ukrayna, ATƏT vasitəçilər, Avropa Birliyi və ABŞ isə müşahidəçilərdir.
Onu da deyək ki, Dnestryanıda əhalinin 60 faizi ruslar və ukraynalılardır. Onlar hələ SSRİ dağılmazdan öncə Moldovanın tərkibindən çıxmışdılar. Buna səbəb Moldovadakı millətçilik dalğasının ölkəni Rumıniya ilə birləşdirəcəyini düşünmələri idi. 1992-ci ildə Moldova hakimiyyətinin münaqişənin güc yolu ilə həllinə uğursuz cəhdindən sonra ərazi faktiki olaraq Kişinyovun nəzarətində deyil. Orada Rusiya sülhməramlıları yerləşir ki, M.Sandu bu qüvvələrin də Dnestryanıdan çıxmasının vacibliyini önə çəkir.