- Siyasi təhlil
- 09:24 26.04.2024
Polşanın Rusiyadakı Səfirliyi Moskvanı Xatın meşəsindəki hadisələrlə bağlı faktları təhrif etməkdə günahlandırıb. Bununla əlaqədar mətn diplomatik missiyanın saytında yer alıb.
"Baki-Baku.az" Rusiya mediasına istinadən xəbər verir ki, rəsmi Varşavanı bu günlərdə Tverdə keçirilmiş və Rusiya-Polşa münasibətlərinə həsr olunmuş konfransda Xatın cinayətinə dair faktların təhrifinə yönəlmiş fikirlər qəzəbləndirib. "Bizim fikrimizcə, konfransda deyilənlər "NKVD"ni (SSRİ Xalq Daxili İşlər Komissarlığı -red.) Xatın cinayətində günahdan yayındırmağa, cinayətə görə Stalinin ürəli sürdüyü ittiham versiyasını qabartmağa, günahı nasist Almaniyasının boynuna qoymağa hesablanmışdı", - deyə Səfirlik eyni zamanda İkinci Dünya Müharibəsi ilə bağlı tarixi həqiqətlərə köklənməyə çağırış edib.
Qeyd edək ki, 1940-cı ildə Rusiyanın Smolensk vilayətinin mərkəzindən 20 kilometr uzaqlıqda yerləşən Xatın meşəsində "NKVD" orqanları tərəfindən 1939-cu il hərbi əməliyyatlarında iştirak etmiş təxminən 4500 polşalı zabit güllələnib.
1930-cu illərdə Xatın meşəsində həmçinin Stalin represiyalarına məruz qalmış 6000-dən çox SSRİ vətəndaşı basdırılıb.