- İqtisadiyyat
- 12:15 18.04.2024
Ermənistanda bütün dövlət qurumları iflic haldadır və buna görə biz Rusiya Səfirliyinə müraciət edirik. "Baki-Baku.az" erməni mediasına istinadən xəbər verir ki, bunu Qarabağdakı müharibədə itkin düşmüş əsgərlərin valideynləri və yaxınları bildiriblər. Onlar Ermənistanın Rusiyadakı Səfirliyi önünə toplaşaraq Rusiyadan kömək umublar.
"Biz artıq Ermənistanın Müdafiə Nazirliyinə, Qırımızı Xaç Komitəsinə və hökumətə müraciət etmişik. Əminik ki, hökumətin atdığı addımlar bizi qane etmir, biz nəticə görmürük", - deyə aksiyaya toplaşanlardan biri etirazçılarının hamısının fikrini ifadə edib. "Rusiya tərəfindən, məhz Vladimir Vladimiroviçdən xahiş edirik ki, necəsə Azərbaycan hakimiyyətinə təsir etsin ki, Qırmızı Xaçın əməkdaşlarının və Rusiya sülhməramlılarının Hadruta və Cəbrayıla daxil olmalarına icazə versinlər".
Qeyd edək ki, dünən baş nazir Nikol Paşinyan itkin düşmüş əsgərlərinin bir qrupunun yaxınları ilə görüşüb. Görüş iştirakçıları baş nazirin onlarla 40-45 dəqiqə söhbət edərək qeyd edilən məsələ ilə bağlı vacib görüşə getdiyini deyib və uzaqlaşıb. Sonra 3 saata qədər davam edən görüşdə baş nazirin müavini iştirak edib. O, öz növbəsində döyüşlərin getdiyi yerlərin Azərbaycanın nəzarəti altında olduğunu bildirib və ərazi ilə təmas yaratmağın qeyri-mümkünlüyünü dilə gətirib. Bu mövqe görüşə toplaşanları razı salmayıb.